മധുരിക്കും ഓര്മകള് മെല്ലെ മെല്ലെ
ആധിയായ് മാറുവാന് എന്ത് മൂലം
പ്രാരംഭ ജീവിത കൂരയിപ്പോല്
ആരാന്െറ കയ്യില് ചെന്നെത്തിയില്ലേ
മണ്കൂരയാണെലും ഓലമേഞ്ഞു
വയ്ക്കോല് വിതറിയാല് ആനച്ചന്തം
അഷ്ടിക്കു കഷ്ടിയായ് കേഴുന്നേരം
കഷ്ടമാം വാര്ഷിക മേച്ചിലെന്നും
പെണ്ണുങ്ങള് ചെപ്പുകുടവുമേന്തി
പാടത്തും ക്ഷേത്ര കിണറും തേടി
പാടുപെട്ടാണെലും മെല്ലെ മെല്ലെ
ഓടിട്ട വീടും കിണറും ആയി
ആമുഖം പശ്ചിമം നെല്വയലും
കോമള ദൃശ്യം അങ്ങ് ഓര്ത്ത് പോകും
അങ്ങ് പടിഞ്ഞാറ് സന്ധ്യാ ദീപം
പാടില്ല എങ്കിലും കണ്ടുപോകും
സ്വസ്ഥമായ് പശ്ചിമേ കണ്ണ് നട്ടാല്
അസ്തമയത്തിന്െറ ഭംഗി കാണാം
പുമുഖ തിണ്ണയില് വിശ്രമിക്കെ
പുണ്യ വയലിന്െറ കാറ്റു കൊള്ളാം
എത്ര മനോഹരം തൊട്ടടുത്ത
ക്ഷേത്രവും ക്ഷേത്ര കുളവും എല്ലാം
കാലത്തും സന്ധ്യക്കും ശംഖുനാദം
മാല നൈവേദ്യം ത്രികാല പൂജ
പൂജക്കിടക്കയും കൊട്ടും പാട്ടും
യോജിച്ച പാണി ശീവേലികൊട്ടും
കഞ്ഞിക്ക് പഞ്ഞമായ് കേഴുന്നേരം
വെള്ള നിവേദ്യത്തിന് സ്വാദ് കൂടും
കര്ക്കിട കഞ്ഞി തിരുവോണ സദ്യ
ഓര്ക്കുവാന് മാത്രമായ് തീര്ന്നു കഷ്ടം
ഗോപുര മുറ്റത്ത് അമ്മാവന് നട്ട
ആലില കാറ്റില് വിറച്ചു തുള്ളി
മുറ്റത്തെ പുഷ്കര മുല്ല പൂത്താല്
ഒറ്റ കുടം വെള്ള പുഷ്പമേകും
മുറ്റത്തെ മൂവാണ്ടന് പുത്തുനിന്നാല്
ഉറ്റു നോക്കുന്നവര് ഏറെ കാണും
വീട്ടു വളപ്പിലെ വാളന് പുളി
ഒട്ടേറെ വീഴും ഇടവഴിയില്
കുട്ടികള് ഞങ്ങള് അങ്ങോടിയെത്തും
ഒട്ടേറെ കാലത്തെടുതുപോരും
വീട്ടു വളപ്പിലെ വൃക്ഷങ്ങളില്
ഒട്ടിപ്പിടിക്കും കുരുമുളകും
കാലങ്ങള്ക്ക് ഒത്തു ഫലങ്ങള് നല്കും
ചേലൊത്ത മാവ് പിലാവ് തെങ്ങ്
മുക്കാലിക്കുള്ളില് തിരി കയറ്റി
എണ്ണയില് കത്തുന്ന ഗ്ലാസ് വിളക്ക്
വൈദ്യുതി ഇല്ലാത്ത കാല മല്ലേ
മണ്ണെണ്ണ കിട്ടിയാല് റാന്തല് കത്തും
വീട്ടില് കിഴക്കീന്നു ചൂളം കേള്ക്കാം
തെക്ക് വടക്കോടും വണ്ടി തന്റെ
നോക്കുവാന് മറ്റൊരു വാച്ചു വേണ്ട
കൃത്യമായ് ഓടുന്ന വണ്ടി പോരെ
പ്രകൃതി സൌന്ദ്യര സമൃദ്ധി ഏറും
മാതൃ ഗൃഹത്തിന്നും കണ്ണ് തട്ടി
പാര്ക്കും ജനം ധനം കമ്മിയായി
മേല്കൂര മെല്ലെ പൊളിച്ചു മാറ്റി
വീടിന്റെ രക്ഷക സ്വര്ഗസ്തയായ്
കാടും പടലും ചിതലുമായി
രക്ഷിക്കാന് ആരും വന്നെത്തിയില്ല
മാതൃഭവനം കൈവിട്ടുപോയി
സാഹചര്യങ്ങള് വിപരീതമാകെ
സാഹസം കാട്ടീല സ്വന്തമാക്കാന്
എങ്ങിനെ തട്ടി ഞാന് മാറ്റിയാലും
പൊങ്ങിവരും ഭൂതകാല ചിത്രം
No comments:
Post a Comment